صباح/مساء الخير
كيفكم بنات؟ إن شاء الله كلكم بخير
💕
قبل فتره نزلت صوره في الإنستقرام عن هذا الفاونديشن كنت لسا شاريته
طبعا ما حبيت أحكي عنه الا لما أجربه
أول حاجه إيش يعني كوشن ؟
فكرة الكوشن فاونديشن أنو الأساس السايل يكون في علبه مثل الكومباكت باودر, والعلبه تكون دورين اللي تحت الأساس وفيه اسفنجة داخليه ثابته طبعا تتغطى, وفوق الغطى الإسفنجة الخارجية لتوزيع الفاونديشن.
ماركات كثير نزلوا مثل هذي الفكره اللي أساسها على ما أظن كوري
لكن أنا ماجربت غيرماركة لانكوم
Tient Idole Ultra cushion Foundation
-هو كريم أساس سائل مضغوط مع إسفنجة خاصة من
لانكوم, قابل لإعادة التعبئة (يعني أول مرا تشترينه تاخذين الكامل علبه مع الأساس, وبعدين تصيرين تشترين التعبئة بس)
في وصف المنتج من الشركة:-
-(الكوشن) أو الإسفنجة تقنية جديدة من لانكوم, تصميمها يساعدها تتأقلم
مع تركيبة الفاونديشن بدون ما تتشربه.
-كريم الأساس تغطيته عاليه, مع إحساس خفيف, وثبات لمدة طويلة.
يحتوي على (SPF 50) حمايه من الشمس والأشعة
فوق البنفسجية.
خالي من الدهون, ومرطب في نفس الوقت يعطي البشره ملمس مخملي.
تجربتي معاه ورأيي فيه:-
أول شيء بحكي عن تجربة الشراء, أخذته من سيفورا,
وللأسف اللي كانت تبيع ما
كانت تعرف شيء فأعطتني التعبئه !!👀
ولما رجعت البيت استغربت من شكله وكيف أنو الإسفنجة بتكون مكشوفه
ومعرضه للجراثيم
فلما عملت بحث في النت عرفت أنو اللي اشتريته كان التعبئه مو الفانديشن
كامل مع علبته
طبعا رجعت لهم ورجعته وأخذته كامل. (أكيد أنو سعر التعبئه أرخص)
-
من أول
استخدام حبيت الفاونديشن من كل قلبي,
-
كانت
التغطية متوسطة.
-
إحساسه
على البشره مررررا خفيف.
-
الإسفنجه
توزيعها للفاونديشن سريع وخفيف وما تكتل.
-
المنظر
النهائي للفانديشن صحي,مو مات ولا ديوي, لمعة مخملية صحيه.
- العلبة حجمها مناسب كثير للشنطه (يعني مناسب للسفر)
عيوبه:-
-
ثباته ما
كان عالي يعني بالكثير أربع إلى خمس ساعات وبدت تطلع الدهون في منطقة الأنف
والجبين, يعني ما ينفع للمناسبات بس للإستخدام اليومي.
-
سعره
يعتبر غالي شوي بالنسبة للكمية.
- بحكم أنو يعطي الوجه لمعه خفيفه فمن رأيي أنو ما راح يناسب اللي بشرتها فيها حبوب أو مشاكل لأنو مثل ما نعرف أنو اللمعه واللوك الرطب يبين العيوب أكثر.
طريقتي:-
هيأت بشرتي للميك أب (نظفتها+رطبتها)
وزعت الفاونديشن بالإسفنجة اللي معاه بطريقة الطبطبه وبشكل خفيف
ما قربت عند الهالات أبدا .. للهالات استخدمت كونسيلر نارس مع البيوتي بلندر
وبشكل خفيف دمجت كل شي مع بعض
انتظرت شوي وبعدها حطيت البشلر وكان كريمي برضو من كوشن بلش من لانكوم
إن شاء الله راح أحكي عنه قريب
اللوك كان جميل وصحي
سعر
الفاونديشن مع العلبة = 270 SR
سعر
التعبئة = 165 SR
(قبل كل شي لارم تعرفين أنو مو شرط اللي يناسب غيرك راح يناسبك, البشرات تختلف)
xoxo
ليست هناك تعليقات:
إرسال تعليق